თანადგომა

მოგესალმებით. მე ვარ უცხო ენების ინსტრუქტორი

ამჟამად რაიონში ვცხოვრობ – ადგილობრივ მოსახლეობას ინგლისურში ვამზადებ.

დაბა აგარიდან და გარშემო სოფლებიდან მყავს მოსწავლეები, რომლებსაც სიმბოლურ ფასად – თვეში 30 ლარად ან უფასოდ ვამეცადინებ (ვითვალისწინებ მოსახლეობის რთულ ეკონომიკურ მდგომარეობას).

სამსახურები აქ უკიდურესად ჭირს. აგარაში ერთი შაქრის ქარხანაა და ისიც სეზონურად მუშაობს. სხვა საშუალება არაა.

გაკვეთილების მასალებს ხელით ვწერ. ჯგუფში ოთხი ეგზემპლარი რომ იყოს, სათითაოდ გადამაქვს კალმით. ასახსნელ გრამატიკას კი ფორმატის ფურცლებზე ვახვედრებ სტუდენტებს.

უპირველესად ჩვენ ინგლისურის ენის დამხმარე სახელმძღვანელოები გვესაჭიროება.

შემდეგში ძალიან მინდა, საკლასო ოთახი გავაუმჯობესო ტექნოლოგიური კუთხით. ნაწილ-ნაწილ კომპიუტერი, პრინტერი, პროექტორი შევიძინო.

ამ საგანმანათლებლო საქმეს დაახლოებით 5000 ლარი სჭირდება.

ჩარიცხული თანხის ნაწილი სოფლებიდან მოსიარულე მატერიალურად გაჭირვებული სტუდენტების დაფინანსებას მოხმარდება.

თუ თქვენც მნიშვნელოვნად მიიჩნევთ განათლების ხელმისწავდომობას პერიფერიებში და გექნებათ გვერდით დგომის სურვილი, გიზიარებთ ანგარიშის ნომერს:

GE09BG0000000101097152

ყოველი შენატანი, დიდი იქნება თუ მცირე, ფასეულია უცხო ენების სამომავლო სწავლებისთვის.

წინასწარ მადლობას გიხდით მოსწავლეებისა და ჩემი სახელით,
თემურ იკოშვილი

(more…)

რადიო ჰოლდინგ “ფორტუნას” შეკითხვა

ავტორი: ნანკა ქოქიაშვილი; სრული ინტერვიუ fortuna.ge

მოსწავლეებზე და სწავლის პროცესზე მომიყევით, როგორი მეთოდი გაქვთ?

ჯგუფურ მეცადინეობებს ვატარებ. დროის ორ მესამედი სტუდენტების ჩართულობას ეთმობა – ეს იქნება დიალოგები, გამოკითხვა, თამაშები თუ სხვა აქტივობა.

კომპლექსურ სწავლებას ვირჩევ, რაც უცხო ენის დაუფლებისთვის აუცილებელ ყველა კომპონენტს მოიცავს: კითხვა, საუბარი, მოსმენა, წერა.

(more…)

“არ მინდა, ახალგაზრდებმა უსახსრობის გამო, განათლების მიღება ვერ შეძლონ” – თემურ იკოშვილი

ინტერვიუ ჩაწერა რადიო “ფორტუნამ”, ავტორი: ნანკა ქოქიაშვილი

სრული ინტერვიუ fortuna.ge

როგორ გზრდიდნენ, რა იყო თქვენთვის სამაგალითო?

პიროვნების განვითარებაზე გარემოს დიდი მნიშვნელობა აქვს. მიუხედავად ფინანსური სირთულეებისა, ოჯახში მაქსიმუმს აკეთებდნენ, რომ სკოლაში სხვა ბავშვებს არ ჩამოვრჩენოდი; მქონოდა ყველანაირი სასწავლო ლიტერატურა.

(more…)

მიღება ინგლისურის საზაფხულო კურსზე

ივლის-აგვისტოში ვატარებ ინგლისური ენის საზაფხულო კურსს. კვირაში ორჯერ, მაქსიმუმ 4-კაციან ჯგუფებში.

პროგრამა რეალურ მოვლენებს მოიცავს: როგორ წარვუდგინოთ თავი უცხოელს, ვიკითხოთ საჭირო ინფორმაცია, მოვიბოდიშოთ ზრდილობიანად… გავითამაშებთ სიტუაციებს ტრანსპორტში, მაღაზიასა თუ კაფეში.

მეცადინეობა ინგლისურად წარიმართება, რომლის პირველი დღე საუბარს, მეორე კი სავარჯიშოებს დაეთმობა.

(more…)

დაჯექი, ორიანი

სწავლის დაწყებისას ზოგი მოსწავლე დამფრთხალი და შეშინებულია. მიზეზი სკოლიდან მოყოლილი ნეგატიური გამოცდილებაა, როცა მასწავლებელი უხეში სიტყვებით ამკობს და ორიანს უფორმებს ჟურნალში.

ამ განწყობის გამოსასწორებლად ცალკე ვმუშაობ. ბავშვებს ვუხსნი, რომ აქ მეგობრები არიან და ლაპარაკი არ ისჯება. თუნდაც არასწორად მიპასუხონ, სხვა მოსწავლეზე გადავალ კითხვით.

(more…)

რისთვის ასე იაფად?

30 ლარად ვამზადებ მოსწავლეებს, რაც შიდა ქართლის ფასებზე ორ-სამჯერ არის ნაკლები.

რატომ ასე იაფად?

ჩემი მიზანია, ინგლისურის სწავლა ფართო მასებში გავხადო ხელმისაწვდომი.

ვისაც განათლება სწყურია, მაგრამ ოჯახის მცირე შემოსავლით 60 ლარს ვერ გაწვდება.

ამ პროცესში უმთავრესი მოტივატორი ფული არ არის.

(more…)

საჩუქარი ტარიელ ცალქალამანიძესგან

სახლთან მანქანა გაჩერდა.

გავიხედე და მოულოდნელი სტუმარი დამხვდა საჩუქრით ხელში. აგარელმა ბიზნესმენმა ტარიელ ცალქალამანიძემ ლეპტოპი გვაჩუქა.

უცხო ენების სწავლებაში მისი სახით ახალ ტექნოლოგიას შევიტან.

(more…)

პარტნიორობა ხაშურის “ამერიკულ კუთხესთან”

ხაშურის “ამერიკულ კუთხეს” ვესტუმრე

ძალზე მეგობრულად მიმასპინძლეს დირექტორმა ქეთი მეტრეველმა და მისმა ასისტენტმა მავრა გელაშვილმა.

ვისაუბრეთ თანამშრომლობის შესაძლებლობებზე.

პერიოდულად აგარაში ჩამოვიტან ინგლისურ ლიტერატურას, დისკებს, სამაგიდო თამაშებს, რომლითაც ჩემი მოსწავლეები ისარგებლებენ.

(more…)

მეტს სტუდენტები საუბრობენ, ნაკლებს მე

სტუდენტები ამბობენ, რომ ინგლისურად ვერ საუბრობენ. ამის მიზეზი წარსულში უნდა ვეძებოთ. ალბათ, ელოდებიან სიტყვის მოცულობით მარაგს, როდის დააგროვებენ და შემდეგ დაიწყებენ სალაპარაკო აქტივობებს. ეს შეცდომაა, რადგან ნახევარი მილიონი სიტყვის სწავლა დაუსრულებელ ლოდინსაც ნიშნავს, ხომ? მოსწავლე დაიღლება, ხელს ჩაიქნევს. ეგონება, ვერასდროს დაიწყებს საუბარს.

ამ განწყობით ბევრი მათგანი უკვე მოსულა. საწყისი ნაბიჯების გადადგმის მერე კი საკუთარი თავისა თვითონვე უკვირთ – ინგლისურის შესწავლა შეუძლებლად აღარ ეჩვენებათ.

(more…)